ՆԵՐՍԵՍ ՍՇԵՑԻ, Տարոնացի. ծնվել է 13-րդ դարում, Մուշում: Մանկավարժ, գրիչ: Սովորել է Մշո Առաքելոց վանքի դպրոցում, ապա՝ Վարդան Արևելցու հիմնած Խոր վիրապի դպրոցում: Տիրապետել է հունարենին և լատիներենին: Վարդան Արևելցու մահից (1271) հետո նշանակվել է րաբունապետ և դպրոցը տեղափոխել Մշո Առաքելոց վանք: Երկրում տիրող բարդ իրավիճակի պատճառով 1281-ին դպրոցը ժամանակավորապես փակել է և ապահով տեղ գտնելու նպատակով՝ իր աշակերտ Եսայի Նչեցու հետ մեկնել է Մեծոփավանքի դպրոց, իսկ 1282-ին՝ Վայոց ձոր: Պռոշյան իշխան, տունը նրան է տրամադրել Աղբերց վանքը: Հավաքելով իր աշակերտներին՝ Ներսես Մշեցին շարունակել է ուսուցումը: Որոշ ժամանակ անց ուսուցչապետ է կարգել Եսայի Նչեցուն: Ներսես Մշեցու մահից հետո էլ ուսումնագիտական կենտրոնը շարունակել է գործել և հայտնի դարձել Գլաձորի համալսարան անվամբ: Մահացել է 1284 թվականին:
Գրականության ցանկ
![](http://www.armenianlanguage-am.armin.am//cms/image.php?image=http://www.armenianlanguage-am.armin.am//images/news/dasakanner-tmb-tmb.jpg&width=50)
![](http://www.armenianlanguage-am.armin.am//cms/image.php?image=http://www.armenianlanguage-am.armin.am/images/menus/378/88-89.jpg&width=50)
ԵՊՀ 2-րդ մասնաշենք, 5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armenianlanguage.am