• Հղումներ
• Կայքի Քարտեզ
• Գործընկերները
• Նորություններ

 ՆԱԼԲԱՆԴՅԱՆ Գեորգի Մկրտչի. ծնվել է 1926 թվականի հունվարի 5-ին Չիտա քաղաքում (Ռուսաստան): Բանասեր-լեզվաբան, արևելագետ, մանկավարժ: Բանասիրական գիտությունների դոկտոր (1972), պրոֆեսոր (1973): Ավարտել է ԵՊՀ (1951): 1952-ից՝ ԵՊՀ դասախոս, 1968-1973-ին՝ արևելագիտական ֆակուլտետի դեկան, 1973-98-ին՝ իրանագիտության և քրդագիտական բանասիրության ամբիոնների վարիչ: Ուսումնասիրությունները վերաբերում են պարսկերենի հին, միջին և նոր շրջաններին, պարսկերենիի և հայերենի առնչություններին: Լույս է տեսել Նալբանդյանի «Պարսից լեզվի քերականությունը» (1980), «Պարսկերեն-հայերեն բառարանը» (1987): Պարսկերեն է թարգմանել Մովսես Խորենացու «Հայոց պատմությունը» (1984) և Եզնիկ Կողբացու «Եղծ ադանդոցը» (1989): Կազմել է պարսկերենի դասագրքեր՝ պարսկական թեքումով հայկական դպրոցների համար: Մահացել է 1998 թվականի նոյեմբերի 5-ին Երևանում:

Գրականության ցանկ