• Հղումներ
• Կայքի Քարտեզ
• Գործընկերները
• Նորություններ

 ԲՈՒԴԱՂՈՎ Ռուբեն Ալեքսանդրի [23.8(5.9).1910, քաղաք Դոնի Ռոստով – 18.7.2001, Մոսկվա], լեզվաբան: ԽՍՀՄ ՀԱ (1970, 1991-ից` ՌԳԱ) թղթ. անդամ: Լենինգրադի (1947) և Մոսկվայի (1952) համալսարանների պրոֆ.: Ավարտել է Ռոստովի մանկավարժական ինստիտուտը (1933): Ուսումնասիրությունները (ռուսերեն) վերաբերում են ռոմանական լեզուների պատմությանը և կառուցվածքի հետազոտմանը, ընդհանուր լեզվաբանության հարցերի լուսաբանմանը («Ֆրանսիական քաղաքական տերմինաբանության զարգացումը», 1940, «Ռումիներենի շարահյուսության ուրվագծեր», 1958, «Ռոմանական գրական լեզուների ուսումնասիրման պրոբլեմներ», 1961, «Լեզվի գիտության ներածություն», 2 հրտ.` 1965, «19–20-րդ դդ. լեզվաբանների դիմանկարներ», 1988, «Լեզուն և խոսքը մարդու մտահորիզոնում», 2000 ևն): Բուդաղովը լեզվական կոնկրետ նյութը քննում է լեզվի և հասարակության պատմական զարգացման կապի մեջ («Բառերի պատմությունը հասարակության պատմության մեջ», 1971, «Մարդը և նրա լեզուն», 6-րդ հրտ.` 1976):

Գրականության ցանկ