ԳԱՊԱՐԱՃՅԱՆ Գրիգոր (Կարապետ). ծնվել է 1779 թվականին  Կ. Պոլիսում: Բանասեր, խմբագիր: Վենետիկի Մխիթարյան միաբանության անդամ (1804): Սովորել է Վենետիկի Մխիթարյան միաբանության դպրոցում: Հետագայում հեռացել է միաբանությունից: 1812-ին լույս է ընծայել «Գիսաւոր աստղ կամ պատմութիւն գիսաւոր աստղերու» աշխատությունը: Ֆրանսերեն է թարգմանել և 1844-ին Փարիզում հրատարակել Եղիշեի «Վասն Վարդանանց պատերազմին» գիրքը: 1812-16-ին՝ Արշարունյաց ընկերության «Դիտակ Բյուզանդյան» շաբաթաթերթի խմբագիր: Հանդես է եկել նաև Կարապետ Խապարաճի կեղծանունով: Մահվան տարեթիվը անհայտ է:

Գրականության ցանկ

«Ով ով է: Հայեր» հանրագիտարան, հատոր առաջին, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007:

 
ՀՀ, ք. Երևան, Ալեք Մանուկյան 1,
ԵՊՀ 2-րդ մասնաշենք, 5-րդ հարկ,
Հեռ.` + 37460 71-00-92
Էլ-փոստ` info@armin.am

Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armenianlanguage.am