ՀԱՍՐԱԹՅԱՆ Մորուս (Մարգար) Ստեփանի, ծնվել է 1902 թվականի սեպտեմբերի 10-ին Ախլաթյան գյուղում (այժմ՝ ՀՀ Սյունիքի մարզում) -պատմաբան-բանասեր: ՀՀ ԳԱ թղթակից անդամ (1963): ՀԽՍՀ գիտությունների վաստակավոր գործիչ (1961): Մ. Մ. Հասրաթյանի հայրը: Սովորել է ԵՊՀ-ում: 1933-35-ին՝ հեղափոխության թանգարանի, 1937-ին՝ Մատենադարանի, 1964-75-ին՝ ՀՊՊԹ տնօրեն: Դասախոսել է Երևանի բուհերում, 1965-66-ին՝ Բեյրութի Հայկազյան քոլեջում: Հեղինակ է պատմական հնագիտական, ճարտարապետական և բանասիրական ուսումնասիրությունների: Սասնակցել է պատմական-գիտական կոլեկտիվ աշխատությունների ստեղծմանը: Կազմել, խմբագրել և ծանոթագրություններով հրատարակել է Սայաթ-Նովայի խաղերի ժողովածուն (1963): 

Հասրաթյանը մահացել է 1979 թվականի փետրվարի 25-ին Երևանում: 

Գրականության ցանկ

«Ով ով է: Հայեր» հանրագիտարան, հատոր առաջին, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007:

Երկ. Պատմա-հնագիտական ուսումնասիրություններ, Ե., 1985:

Հոդվածների ժողովածու, Ե., 1995:

 
ՀՀ, ք. Երևան, Ալեք Մանուկյան 1,
ԵՊՀ 2-րդ մասնաշենք, 5-րդ հարկ,
Հեռ.` + 37460 71-00-92
Էլ-փոստ` info@armin.am

Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armenianlanguage.am