ՀՈՎՆԱՆ (Հովհաննիսյան) Գուրգեն Ներսեսի (20.10.1910, Շուշի - 9.2.2000, Երևան), գրականագետ, գրող: Բանասիրական գիտությունների դոկտոր (1963), պրոֆեսոր (1964): Ավարտել է Մոսկվայի մանկավարժական ինստիտուտը (1933): 1954-64-ին` ՀԽՍՀ ԳԱ Գրականության ինստիտուտի տնօրեն, 1978-85-ին՝ արվեստի ինստիտուտի կապերի բաժնի վարիչ: Աշխատությունները վերաբերում են գրական-մշակութային կապերին («Մաքսիմ Գորկին և հայ կուլտուրան», 1940, «Ն. Վ. Գոգոլը և հայ գրականությունը», 1952, «Ռուս-հայ գրական կապերը XIX-XX դարերում», գիրք 1-2, 1960-61, “Լուի Արագոնը Հայաստանի և հայ մշակույթի մասին”, 1985): Գրել է նաև “Ավետիք Իսահակյան” (1976) հուշապատումը, արձակ բանաստեղծություններ, նորավեպեր:

 

 Գրականություն

«Ով ով է: Հայեր» հանրագիտարան, հատոր առաջին, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007:

ՀՀ, ք. Երևան, Ալեք Մանուկյան 1,
ԵՊՀ 2-րդ մասնաշենք, 5-րդ հարկ,
Հեռ.` + 37460 71-00-92
Էլ-փոստ` info@armin.am

Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armenianlanguage.am