• Հղումներ
• Կայքի Քարտեզ
• Գործընկերները
• Նորություններ

 ՄԱԹԵՎՈՍՅԱՆ Հրանտ Իգնատի. ծնվել է 1935 թվականի փետրվարի 12-ին  Ահնիձոր գյուղում (ՀՀ Լոռու մարզ): Գրող: Հ. Ի. Մաթևոսյանի եղբայրը: Ավարտել է ՀՊՄԻ (1962), Մոսկվայի բարձրագույն սցենար, դասընթացները (1967): ՀԳՄ նախագահ (1996-2001): «Օգոստոս» (1967), «Մեր վազքը» (1978), «Ծառերը» (1978) վիպակների և պատմվածքների ժողովածուներում Մաթևոսյանը պատկերել է հայ գյուղը, անդրադարձել անհատի հոգևոր-բարոյական նկարագրին, արծարծել գոյաբանական և բարոյահոգեբանական բարդ խնդիրներ: Մաթևոսյանի առաջին ստեղծագործություններն արժանացել են ընթերցող հասարակայնության ջերմ ընդունելությանը: Անցյալի պեղմամբ, գյուղի պատմության վկայակոչմամբ Մաթևոսյանը հասել է լեռնաշխարհի, հողի և մարդու նախաստեղծ, անխախտելի կապի, միջավայրի հետ ունեցած հոգևոր ներդաշնակության բացահայտմանը: Մաթևոսյանը նաև «Չեզոք-գոտի» (1983) պիեսի և մի շարք կինովիպակների հեղինակ է: Նրա երկերի հիման վրա և նրա սցենարներով նկարահանվել են «Մենք ենք, մեր սարերը» (1969), «Աշնան արև» (1977), «Տերը» (1984) կինոնկարները:

 Գրականության ցանկծ

Աղբյուրներ

«Ով ով է: Հայեր» հանրագիտարան, հատոր երկրորդ, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007թ.:

Աղաբեկյան Կ., Հրանտ Մաթևոսյան. Ծմակուտի վիպասքը, Երևան, 1988թ.:

Գրիգորյան Վ., Հրանտ Մաթևոսյան. ստեղծագործությունը, ԵՊՀ հրատ., Երևան, 2013թ.:

Եզեկյան Լ. Հրանտ Մաթևոսյանի արձակի խորքարվեստի մի քանի հարցեր, Երևան, 1986թ.:

Փանոսյան Ս., Հրանտ Մաթևոսյանի ստեղծագործությունը, Երևան, 1984թ.: