• Հղումներ
• Կայքի Քարտեզ
• Գործընկերները
• Նորություններ

 ԿԱՐԱՊԵՆՑ (Կարապետյան) Հակոբ Սիմոնի (9.8.1925, Թավրիզ - 20.10.1994. Բոստոն), գրող։ Ավարտել է Թեհրանի Սեն Լուի քոլեջը, սովորել ԱՍՆ-ի Միսսուրի նահանգի (1947-49) և Կոլումբիայի (1950-52) համալսարաններում։ 1954-79-ին աշխատել է «Ամերիկայի ձայն» ռադիոկայանի հայկական բաժնում։ Հեղինակ է պատմվածքների, նորավեպերի ժողովածուների («Անծանոթ հոգիներ» (1970), «Միջնարար» (1981, Հայկաշեն Ուզունյան գրական մրցանակ), «Անկատար» (1987)), վեպերի («Կարթագենի դուստրը» (1972, Հայկաշեն Ուզունյան գրական մրցանակ), «Ադամի գիրքը» (1983, ՀԲԸՄ Ալեք Մանուկյան և ֆրանսահայ ԳՄ Է. Գավուքճյան-Այվազյան գրական մրցանակներ))։

«Ով ով է: Հայեր» հանրագիտարան, հատոր առաջին, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007:

Երկ. Երկ., Ե., 1995. Երկու աշխարհ, Բոստոն, 1992։ Ամերիկյան շուրջպար, Ե., 1994։ Մի մարդ ու մի Երկիր եւ այլ պատմուածքներ, Բոստոն, 1994։

Գրկ. Կարապենց. Մատենագիտություն, Քեմբրիջ, 1999.