• Հղումներ
• Կայքի Քարտեզ
• Գործընկերները
• Նորություններ

 ԽԱԼԱԹՅԱՆ Սամվել Մհերի (ծ. 9.1.1950, Վանաձոր), դրամատուրգ, արձակագիր, երգիծաբան։ Ավարտել է Վանաձորի մանկավարժական ինստիտուտը (1978)։ Հիմնադրել և խմբագրել է «Եղինջ» (1990), «Արփի» (1996), «Խաթաբալա» (2001) պարբերականները։ Լույս է ընծայել «Անվավեր ժպիտներ» (1981), «Ոզնու կատակներ» (1991) երգիծական ալմանախները, «Ստվերները չքանում են կեսօրին» (1993), «Թագուհի» (մաս 1-2, 1994-95) վիպակները, «Ցպահանջ» (1994) բանաստեղծությունների ժողովածու, «40 օր համբառնալուց առաջ» (2000) տրագիկոմեդիան, «Ուղղալարի հրաշքը» (2002) վավերապատումը։ Հեղինակ է նաև «Ազատ Խլղաթյան» (1994), «Ռոզա Մխիթարյան» (2003) ուսումնասիրությունների։ Բեմադրվել են Խալաթյանի («Վանաձորի բարի ասպետները» (1983), «Ինչպես հ՜ին, հ՜ին հեքիաթում» (1984), «Գոտեմարտ» (1985), «Խելակորո՜ւյս, խելակորո՜ւյս սեր» (1998) պիեսները։

«Ով ով է: Հայեր» հանրագիտարան, հատոր առաջին, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007: