• Հղումներ
• Կայքի Քարտեզ
• Գործընկերները
• Նորություններ

 ՄՈՒՇԵՂ ԻՇԽԱՆ (Ճենտերեմյան Մուշեղ Սրապիոնի, 1914, Սիվրիհիսար (Անկարայի վիլայեթ): Գրող, մշակութային, կրթական գործիչ: 1915-ին եղել է Դեյր Էզ Զոր քշվածների մեջ: Ավարտել է Դամասկոսի Հայոց ազգային վարժարանը (1928), Բեյրութի Հայ ճեմարանը (1935), հետևել Բրյուսելի համալսարանի մանկավարժության և գրականության դասընթացներին (1938-40): 1941-45-ին՝ Բեյրութի «Ազդակ» թերթի խմբագիր: Դասավանդել է Բեյրութի Հայ ճեմարանում:

Մուշեղ Իշխանի ստեղծագործությունների հիմքում տարագիր հայի պայքարն է ուծացման վտանգի դեմ: Հեղինակ է քնարախոհական բանաստեղծությունների («Տուներու երգը», 1936, «Հայաստան», 1946, «Կեանք ու երազ», 1949, «Ոսկի աշուն», 1963, «Տառապանք», 1968. ժողովածուների): Նրա թատերգությունները («Մեռնիլը որքան դժուար է», 1971, «Սառնարանէն ելած մարդը», 1979, «Թատերախաղեր», 1980) կառուցման սկզբունքով և մտածողությամբ որակական նոր երևույթ են հայ գրականության մեջ: Դրանցում արծարծվում են ազգային, պատմական, հոգեբանական, սոցիալական և բարոյաբանական հարցեր: Երևանում բեմադրվել են Մուշեղ Իշխանի «Կիլիկիո արքան» (1989). «Մեռնիլը որքան դժվար է» (1992) պիեսները: Արձակ գործերից են «Հացի եւ լոյսի համար» (1951), «Հացի եւ սիրոյ համար» (1956), «Մնսա բարով, մանկութիւն» (1974) վեպերը, «Սպասում» (1977) վիպակը: Գրել է «Արդի հայ գրականութին» (հատոր 1-3, 1973-75) ուսումնասիրությունը: Մահացել է 1990 թվականի հունիսի 12-ին Բեյրութում:

Մուշեղ Իշխանի անունով է կոչվել Երևանի № 5 դպրոցը, որտեղ բացվել է նաև նրա թանգարանը: 

Գրականության ցանկ

«Ով ով է: Հայեր» հանրագիտարան, հատոր երկորդ, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007:

Երկ. Երկ., Ե., 1990: Արեւամար, Բեյրութ, 1986: 

Իրիկնալոյս ռումբերու տակ, Անթիլիաս, 1991: 

Ուխտագնացություն, Ե.. 1994:

Գրկ. Վարդան Լևոն, Մուշեղ Իշխան արձակագիրը, Անթիլիաս, 1986: 

Մուշեղ Իշխան, Լոս Անջելես, 1988 (ծննդյան 75-ամյակի առթիվ):