• Հղումներ
• Կայքի Քարտեզ
• Գործընկերները
• Նորություններ

 ՍԱՐՄԵՆ [Սարգսյան Արմենակ Սարգսի]. ծնվել է 1901 թվականի մարտի 1-ին Պախվանց գյուղում (Ռշտունիք գավառ): Բանաստեղծ: ՀԽՍՀ մշակույթի վաստակավոր գործիչ (1967): Ավարտել է ԵՊՀ (1932): Սարմենը ստեղծագործել է բանաստեղծական տարբեր ձևերով և ժանրերով: Քնարականությամբ և գգացմունքայնությամբ են հատկանշվում «Դաշտերը ժպտում են» (1925), «Երգաստան» (1940), «Հայրենի տուն» (1955), «Հայոց սիրտ» (1960), «Բանաստեղծի աղբյուրը» (1961), «Կենաց բաժակ» (1963), «Ծաղկավոր ձմեռ» (1964), հայրենասիրությամբ՝ «Երազանք» (1969), «Իմ հայրենի աղջիկները» (1971) ժողովածուները: Գրել է նաև մանուկների համար («Յոթ երջանիկներ», 1950, «Ծաղկաձոր», 1952, «Խոսող ծաղիկներ», 1958, ժողովածուներ և այլն):

Գրականության ցանկ

«Ով ով է: Հայեր» հանրագիտարան, հատոր երկրորդ, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007:

Երկ. Երկ., հ. 1, 2, Ե., 1976, 1977: 

Հայի աչքեր, Ե., 1980: 

Սիրտ, Ծ., 1981: 

Կարոտի կանչ (հատընտիր), Ե., 2001:

Գրկ. Հյուսյան Մ., Սարմեն (կյանքը և. գրական գործունեությունը), Ե., 1969: