ՇԻԿԱՀԵՐ Վարդ Թովմայի. ծնվել է 1926 թվականի դեկտեմբերի 26-ին Ստամբուլում: Գրող, մանկավարժ, սրտաբան: Սովորել է Ստամբուլի Մխիթարյան վարժարանում, ապա՝ Ստամբուլի համալսարանի բժշկական ֆակուլտետում (1951-57): 1944-81-ին դասավանդել է Ստամբուլի Մխիթարյան, Եսայան և Ֆերիգյուղի միջնակարգ վարժարաններում: Շիկահերը երգում է բնությունը, սերը («Լուսաբաց», 1980, «Չորս տող միայն», 1993, «Բարի աստղի տակ», 1999, ժողովածուներ): Շիկահերի ստեղծագործություններին բնորոշ է հակվածությունը խոհափիլիսոփայական մտածողությանը («Նոյն արեւուն տակ», 1996): Հրատարակել է նաև բժշկագիտական («Կիսադարեայ պատմութիւն թրքահայ բժշկութեան», 1923-75, «Մեր կենսաբանական ցաւերը եւ Աննա Ասլանի նիւթ Н-3», 1964) և հուշագրական ուսումնասիրություններ («Մխիթարեանի պարտէզէն», 1992):

 

Գրականության ցանկ

«Ով ով է: Հայեր» հանրագիտարան, հատոր երկրորդ, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007թ.:

 

 

ՀՀ, ք. Երևան, Ալեք Մանուկյան 1,
ԵՊՀ 2-րդ մասնաշենք, 5-րդ հարկ,
Հեռ.` + 37460 71-00-92
Էլ-փոստ` info@armin.am

Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armenianlanguage.am