ՍԻՐՈՒՆՅԱՆ Էդուարդ. ծնվել է 1865 թվականի մայիսի 1-ին Կ. Պոլիսում: Փիլիսոփա: Ավարտել է Հռոմի Դոմինիկյան համալսարանը (1890), դասավանդել Մուրատ-Ոափայելյան վարժարանում (1895-97-ին՝ վարիչ-ուսուցչապետ): Մխիթարյան միաբանության վարիչ-անդամ (1906-09), տպարանապետ: «Միջին ընթացք իմաստասիրության» (1899) և այլ աշխատություններում Սիրունյանը քննել է գոյաբանական, իմացաբանական, տրամաբանական, հոգեբանական, բարոյագիտական, մարդաբանական հարցեր: Փիլիսոփայությունը համարել է մարդու ինքնաճանաչման միջոց՝ սերտ աղերս տեսնելով նրա և հոգեբանության միջև: Աստված, ըստ նրա, արարիչ նախապատճառ է, բարու, գեղեցիկի, ճշմարիտի բարձրագույն արտահայտությունը: Մարդը տիեզերակարգի կատարյալ էակն է, նրա ճանաչողական հնարավորություններն անսահման են: Հակադրվում է սկեպտիկներին ու ագնոստիկներին, զգայապաշտության և բանապաշտության միակողմանիությանը: Կատարել է թարգմանություններ հայերենից ֆրանսերեն (Ղ. Ալիշանի «Սիսվան») և ֆրանսերենից հայերեն (Լամորթի «Աստվածաբանական խնդիրներ»): Մահացել է 1937 թվականի հունիսի 25-ին Վենետիկում:
«Ով ով է: Հայեր» հանրագիտարան, հատոր երկորդ, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007:
![](http://www.armenianlanguage-am.armin.am//cms/image.php?image=http://www.armenianlanguage-am.armin.am//images/news/dasakanner-tmb-tmb.jpg&width=50)
![](http://www.armenianlanguage-am.armin.am//cms/image.php?image=http://www.armenianlanguage-am.armin.am/images/menus/378/88-89.jpg&width=50)
ԵՊՀ 2-րդ մասնաշենք, 5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armenianlanguage.am