ԹԻՐՅԱՔՅԱՆ Հարություն [25.12.1845, Թալաս (Կեսարիա) - 2.3.1919, Նյու Յորք], բանասեր, արևելագետ, թարգմանիչ, բժիշկ: Մ. Հ. Թիրյաքյանի հայրը: Ավարտել է Փարիզի համալսարանի բժշկական ֆակուլտետը, Կ. Պոլսում եղել է հիվանդանոցի գլխավոր բժիշկ: 1882-84-ին` Կ.Պոլսի Ազգային ժողովի ատենապետ: 1890–ին Ա. Արփիարյանի և ուրիշների հետ ձերբակալվել է: 1896-ին ընտանիքով տեղափոխվել է Պարսկաստան, նշանակվել արքունի բժիշկ: 1907-ին հաստատվել է ԱՄՆ-ում: Տիրապետել է պահլավերենին, հին և նոր պարսկերենին: Ուշագրավ են նրա «Հայկական Տաղաչափութիւն» (1906), «Հայերէնի զեղծումները» (1917), «Հայերանական ուսումնասիրութիւն» (1922) բանասիրական և լեզվաբանական աշխատությունները: Գրել է նաև «Արիահայ բառարան…» (1914), որտեղ ստուգաբանել է պարսկերենի ծագման հայերեն բառերը: Թարգմանել է Ֆիրդուսու, Սաադիի, Ն. Բուալոյի ստեղծագործություններից:
Գրականության ցանկ
«Ով ով է: Հայեր» հանրագիտարան, հատոր առաջին, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007:
![](http://www.armenianlanguage-am.armin.am//cms/image.php?image=http://www.armenianlanguage-am.armin.am//images/news/dasakanner-tmb-tmb.jpg&width=50)
![](http://www.armenianlanguage-am.armin.am//cms/image.php?image=http://www.armenianlanguage-am.armin.am/images/menus/378/88-89.jpg&width=50)
ԵՊՀ 2-րդ մասնաշենք, 5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armenianlanguage.am