ՎԵՍՊԵՐ (Դաբաղյան Մարտիրոս Տիգրանի) ծնվել է 1893 թվականի հուլիսի 28-ին Վանում: Բանաստեղծ, թարգմանիչ: ՀԽՍՀ մշակույթի վաստակավոր գործիչ (1967): Սովորել է Վանի Երամյան վարժարանում և պետական ուսուցչանոցում: 1915-ին գաղթել է Արևելյան Հայաստան: Աշխատել է որպես մանկավարժ, ապա՝ «Գրական սերունդ», «Խորհրդային Հայաստան» ամսագրերի խմբագրություններում: Լույս են տեսել «Կայարաններ» (1925), «Պայծառություն» (1936), «Եղևնի» (1939), «Առաջին աշուն» (1956), «Հրազդան» (1959). «Հորեղբոր սրինգ» (1960), «Մայրենի երգեր» (1965), «Շուշանի շափրակներ» (1968) բանաստեղծությունների ժողովածուները: Գրել է նաև մանուկների համար: Մահացել է 1977 թվականի սեպտեմբերի 20-ին Երևանում:
«Ով ով է: Հայեր» հանրագիտարան, հատոր երկորդ, գլխ. խմբ. Հովհ. Այվազյան, Հայկական հանրագիտարան հրատ., Երևան, 2007:
Գրկ. Արձակ էջեր, Ե., 1963:
Հատընտիր, Ե., 1973:
![](http://www.armenianlanguage-am.armin.am//cms/image.php?image=http://www.armenianlanguage-am.armin.am//images/news/dasakanner-tmb-tmb.jpg&width=50)
![](http://www.armenianlanguage-am.armin.am//cms/image.php?image=http://www.armenianlanguage-am.armin.am/images/menus/378/88-89.jpg&width=50)
ԵՊՀ 2-րդ մասնաշենք, 5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.armenianlanguage.am